((رغد وخالد )) حب يلمس الـقلوب

قصه حب تلمس القلب
رغد و خالد
كانت رغد جالسه قدام دريشتها وفي ايدها صورة حبيبها محمد وقاعده تغني في اسم محمد .. وهي سرحانه تسمع صوت من دريشه لي شقه الي قدامها ..
خالد : الله صوتك واجد حلو ..ويفتح الدريشه ولا يطالعها .
رغد : ويع وانت شكو .. تسمع على بنات خلق الله ..
خالد : انا اسف انا كنت يم الدريشه ابي افتحها وسمعت صوتك ..
رغد : انا كنت متوقعه انا الشقه الي قدمنا مافيها احد فاضيه ..
خالد : أي لانه تونا ساكنين اليوم ..
رغد : زين خلاص لا تطولها .. يالله سكر دريشتك ..
خالد : وليش تسكرين علي حياتي ..
رغد : شكو دريشه في حياتك ؟؟
خالد : لانه منها القى ما بقى من حياتي ..
رغد : اوووووه شكلك مجنون .. انا ابي اسكر دريشتي وارتاح منك .. ( وتسكر الدريشه )
ويبقى خالد عند دريشته يطالع لسماء وهو سرحان .. وتمت رغد تتابع خالد من ورى ستار دريشتها وهو ما يدري عنها وتستغرب سرحان خالد طويل لسماء وهو جالس يكتب في دفتر كان ما يفارق ايده .. وبعد اربع ايام فتحت رغد الدريشه قصدت منه تهويت الغرفه وفي ايدها الثانيه تليفونها النقال تكلم فيه محمد ..
رغد : محمد شفيك صار لك مده ما تكلمني شنهو الي مغيرك علي
محمد : ( بدون نفس ) مافي شي ..
رغد : شنهو مافيه شي انا مزعلتك يا محمد ..
محمد : اوووه تراك اذيتيني وياك ما عندي غيرك يعني !!!
رغد : محمد انت شنو قاعد تقول ؟؟
محمد : اقول رغد انا مشغول مع السلامه ..
رغد : بس محمد .. ( ويسكر التليفون ) ( ويفتح خالد الدريشه وهو حاط على ظهره بطانيه صوف وبايده ماسك دفتره ويطالع لي سماء ويكتب في دفتر وملامح وجه تبين عليه التعب ) و رغد ( ماسكه في ايدها التليفون وفي ايد ثاني حطتها على راسها وتفكر )
خالد : ( يطالع لي رغد وبصوت ضعيف ) صباح الخير ..
رغد : ( تطالعه ) نعم ..
خالد : اسف على الازعاج بس حسيت من المفروض علي اصبح على جارتنا ..
رغد : هذا انتم يا الشباب ما تشوفون بنت الا .. ويقاطعها صوت مسج من محمد وتفتحه بسرعه ( رغد خلاص انسيني انا لقيت غيرك مع السلامه ) وتنصدم رغد من محمد وتحاول تدق عليه ويقاطعها صوت مسج ثاني .. ( رغد تراني عطيت خطي حق ولد خالتي لا تحاولين تدقين علي ) ومن هول ما شافت يطيح التليفون من ايدها الى ارض العماره ويتكسر .. وتنزل الدمعه من عين رغد وهي ساكته ما تعرف شنهو تسوي ؟؟؟
خالد : عسى ما شر شنهو السالفه ؟؟
رغد : ( بنظرات حقد ) انتم كلكم نفس بعض الله ياخذكم ويحرقكم مثل ما حرقتوا قلبي
خالد : بس انا .. ( وتسكر دريشة غرفتها بقوه لي درجة انه تكسر زجاج الدريشه )
زاد تعب خالد شوفت رغد.. وحس انه يضايقها وعزم انه ما يفتح دريشته لما يشوفها .. علشان ما يضايقها .. وتم على هذا مده مو قصيره .. ومن ناحيه ثانيه كانت رغد حزينه على الي سواه محمد فيها وكانت تفكر بوتراجع كلامه خافت انه في كلمه قالتها له وضايقته فيها .. بس ما لقت شي ما عمره طلب منها شي غير انه عطته بدون حدود ولا كانت تنتظر منه كلمة شكر وكان هو بعد بخيل فيه لها ..
وبعد فتره حست بعدم خروج خالد لي دريشته الي كان متعود عليها وكانت تنتظر فتره على اقل تتاسف له على سوته علشانه .. بس ما شافته وصارت تنتظر على الدريشه فترات طويله من النهار بس ما طلع ولا اقترب من دريشة ..
وفي يوم كانت مستعجله تبي تلحق على باص المدرسه فتحت دريشتها ولقته توه فاتح دريشته ولما شافها كان يبي يسكرها ..
_رغد : لحظه لحظه ..
خالد : يفتح الدريشه .. هلا ؟
رغد : شوف في كلام ودي اقوله لك بس انا مستعجله الحين اكلمك العصر اوكي الساعه 5 .. يالله مع السلامه لانه باص المدرسه ينتظرني تحت
خالد : ان شاء الله اذا قدرت مع السلامه ..
رغد لا تكفى حاول ..
خالد : ان شاء الله ..
وتروح رغد لي مدرسه وتعد الساعات علشان تطلع ولما طلعت تمت في غرفتها تطالع الساعه لين تجي الساعه 5 ولما جات ركضت لي دريشتها وفتحتها بس ما شافت خالد عند الدريشه .. جلست قدام الدريشه تنتظر وتمر الدقيقه وراى الدقيقه وتجري الساعه وراى الساعه وينزل ظلام الليل على سماء الكويت وتزيد ظلمة غرفة خالد ظلمه لين جات الساعه 10 بليل وقالت رغد حق نفسها اكيد هو زعلان ولا منحرج مني ولا راح يجي ابي اسكر الدريشه وانتظره بكره وتسكر دريشتها وتحس بنور من غرفة خالد وترجع وتوخر الستاره عن الدريشه وتشوف ام خالد تفتح الدريشه ويدخل خالد لي غرفته على كرسيه المتحرك ويقترب من الدريشه وتحط بطانيه صوف على كتف خالد وترسم على جبهته قبله من شفات امه وتطلع من الغرفه ويقترب خالد لي دريشه وعينه الى سماء ويتمتم في كلامات وتنزل من عينه دمعه .. وتفتح رغد الدريشه
رغد : ( بصوت خفيف ) قوه
خالد : ولا يحس فيها ..
رغد : ( ترفع صوتها ) قوووه ..
خالد : يلتفت لها ويمسح ما نزل على خده من دموع .. هلا اسف ما انتبهت عليك .. واعذريني لما تاخرت عليك بس ما كان في ايدي توني جاي
رغد : لالا مو مهم اهم شي انك رجعت .. بس انت شنهو قاعد تقول حق روحك .. اشوف شفاتك تتحرك وتنزل دمعه من عينك ..
خالد : اقول ( ابتسم واضحك تره الدنيا حلوه )
رغد : الله واجد حلو كلامك ..
خالد : مشكوره هذا كلام اقص على روحي فيه ..
رغد : وليش تقص على روحك ..
خالد : مو مهم تعرفين .. ولا ودي اقوله لانه واجد يعذبني ..
رغد : على راحتك وعلى العموم انا كان ودي اتاسف لك على الي صار هذاك اليوم ..
خالد : يعني انا ما كنت مضايقك ..
رغد : هي مو سالفت مضايقني بس كنت ..
خالد : كنتي متزاعله مع محمد ..
رغد : لا حنا خلاص افترقنا .. وانا مو متحسفه عليه لانه هو الخسران خسر قلب كان يحبه ..
خالد : واليوم ..
رغد : اكره .. اكرها على كثر ما حبيته .. اكره .. والله اكره ..
خالد : لا تحلفين الي يحب ما عمره يكره ..
رغد : والله اكره يا ..
خالد : خالد ..
رغد : عاشت الاسامي يا خالد .. وانا اسمي رغد ..
خالد : عاشت ايامك .. وعاشت الاسامي يا رغد ..
رغد : تسلم .. خلاص يا خالد لو سمحت لا تذكرني فيه .. زين ابي اسئلك سؤالين ممكن ؟
خالد : أي حاضر ..
رغد : انا كل مره اشوفك اشوف وياك كتاب ماسكه وياك وتقعد تكتب فيه شنهو تكتب ؟؟؟
خالد : اكتب قصص .. هوايه من انا صغير نسيته فتره ورجعت لها من سنتين ..
رغد : وشنهو تكتب وليش رجعت للكتابه ؟؟
خالد : اكتب اشياء واجد كل شي يخطر على بالي ... ورجعت له من سنتين بسبت مرضي ..
رغد : سؤال ثاني ودي اقوله لك بس مستحيه ..
خالد : لا قولي لا تخشين في قلبك ..
رغد : انت من متى على ..
خالد : على الكرسي .. انتي شفتيني ..
رغد : أي مو انا كنت انتظر ولما سكيت دريشتي امك دخلت غرفتك وانت دخلت وراها وشفتك ..
خالد : انا قبل ما كان فيني شي لين سنتين حاشني مرض قعدني على الكرسي هذا ما اقدر امشي منه الا بصعوبه ..
رغد : الله يشفيك ان شاء الله ..
خالد : ان شاء الله ..
رغد : ممكن اشوف الي انت تكتبه ..
خالد : أي حاظر بس لحظه ابي اسمي الكتاب .. وكتب عليه اسم ( فاقد الشي لا يعطيه ) .. زين شلون اعطيك ايها ..
رغد : حنا قريبين يم بعض حذفه علي وانا امسكه ..
خالد : اخاف ما يوصل لك ..
رغد : ما عليك انت حذفه وانا امسكه ..
ويحذفه خالد كتاب على رغد وتمسكه في ايدينها الثنتين وتضمه على صدرها ..
خالد : اشوفه وصل لك ..
رغد : حمدالله والله كنت خايفه اني ما امسكه ..
خالد : اجل اخليك تقرينه لاني لزم اخذ دواي وانام الحين وبكره عندي مراجعه لي مستشفى ..
رغد : طمني عليك .. وانا ابي اسهر عليه ..
خالد اوكي خلاص اجل تصبحين على خير
رغد : تلقى كل خير في وجهك ..
خالد : هذه جديده ..
رغد : أي هذه علشانك بس ( ويحمر خدها خجل وتسكر الدريشه ) وتجلس على طرف سريرها وتفتح الكتاب واستغربت من عنوان فاقد الشي لا يعطيه ..
وافتحت الكتاب ومن اول سطر لقت روحها تمشي وراى الصفحات صفحه وراى صفحه وقصه وراى قصه ودموع من غير شعور تنزل من عينها وعلى خدها تجري ..
لين ما طلع الصبح ولقت روحها انتهت من اخر قصه وهي تنصدم من روحها لانه تاثرت واجد في القصص ولا توقعت انها راح تبكي هالكثر .. كل القصص نهايتها حزينه ..
وحست من عنوان انه قصد منه ان خالد فاقد الفرحه ولا قدر يعطيها لابطال القصه الي يكتبها .. وحست بشعور انه انسان واجد طيب وحساس ومرضه اثر عليه واجد .. وغيرت ملابسها وراحت لي مدرسه .. ولما رجعت من المدرسه وهي نعسانه ودها تنام قالت حق روحها خلني اشوف خالد رجع ولا لين الحين .. وفتحت الدريشه
وشافت خالد ينتظر ..
خالد : انا حاس كنتي تبين تفتحين الدريشه الحين ..
رغد : وانت شنهو دراك ؟؟
خالد : احساس ..
رغد : تدري انك مسهرني من امس ما نمت تميت اقرا القصص كله ولا خليت ولا سطر .. كلامك واجد حلو ومشاعرك صادقه .. ماشاء الله عليك والله موهوب ..
خالد : لا شدعوا هي مجرد قصص اكتبها القصد منها تضيعت الوقت
رغد : خالد عمرك حبيت ؟؟؟
خالد : أي حبيبت نوره . وزينب . وريم . وبعد حبيت سميره . وعشقت سعاد مثل ما عشقت مريم .
رغد : بس هذيل ابطال قصتك !!
خالد : انتي ما لحظتي بكل _القصص اسم بطل واحد ..
رغد : قصدك طارق .. أي صح ..
خالد : انا حبيت هذيل كلهم وعشت في طارق تصدقين كان ودي انهي كل قصه في شي سعيد بس ما اقدر امنحى السعاده وانا بنفسي فاقده ..
رغد : بس يا خالد ..
خالد : لا بس ولا شي لا تحولين تقنعيني ..
رغد : ما ادري شنهو اقولك .. بس انا اخليك الحين واشوفك بليل لاني واجد نعسانه ..
خالد : على خير
رغد : تصك الدريشه وترد تفتحه بسرعه .. خالد خالد
خالد : يفتح الدريشه .. نعم
رغد : نسيت اسئلك شنهو سويت في المستشفى ؟؟
خالد: ما سويت شي فحصوني مثل كل مره ووصفولي مسكنات وقالوا راجعنا بعد شهر ..
رغد : بتشفى ان شالله ..
خالد : ان شاء الله ..
رغد : نشوفك بليل مع السلامه
خالد مع السلامه ..
وتقوم رغد الساعه 9 ونص بليل وتركض لي دريشتها وتفتحها ولا تشوف خالد قدامها ينتظر ..
رغد : من متى وانت هنا ؟؟
خالد : انا هنا من اول ما خليتني ..
رغد : شنهووو
خالد : أي والله تميت عند الدريشه من اول ما خليتيني .. انتظرك ..
رغد : بينها وبين نفسها ( يا بعد عمري ) ما ادري شنهو اقولك ..
خالد : لا تقولين شي كلميني عن روحك انا لين الحين ما اعرف عنك شي
رغد : انا يا خالد انسانه مثل أي انسانه في الدنيا حبيت واحد لكن للاسف طلع خاين ..
خالد : بس هذا مو اخر العالم .. والحمدالله انك في الاخير كشتيه ..
رغد : حمدالله على كل خير وان شاء الله الله يعوضني في الي احسن منه ..
خالد : ( يسكت وينزل راسه ) لا يكون عبالك انا راح اكون ..
رغد : ( يحمر خدها خجل ) ومن قال .. ( وترتبك ) انا اصلا ما فكرت فيك ولا اهتميت لك وهي كله مجرد سوالف واذا تبي اسكر دريشتي ولا راح تسمع صوتي مره ثانيه ..
خالد : ( يلف راسه لي اتجه ثاني عن رغد ) يكون احسن ..
رغد : انصدمت ولا قدرت تقول شي
خالد : يلتفت لها والدموع على عينه .. انا اسف .. مع السلامه ..
رغد : خالد لا تروح ابيك ..
خالد : نعم ..
رغد : خالد ممكن نكون اصدقاء .. ولا يكون غير هذا بينا .. انا محتاجه لك يا خالد ..
خالد : بس
رغد : هذه المره لا بس ولا شي اقولها لك اسكت وخلني اكمل لا الفك بوقس في وجهك ( وتمسح دمعه من خدها وتضحك )
خالد : يضحك .. ويقول لها الله يقطع ابليسك .. وهم انا بعد احتاج لك ..
رغد : خلاص كل واحد فينا محتاج لي الثاني .. انتهت المشكله ..
خالد : اجل خلاص .. اصدقاء ..
رغد : زين انت ما كلمتني على روحك ؟؟
خالد : انا يا رغد وحيد امي وابوي مات من زمان انا ما شفته مات وانا توني صغير ..
رغد : الله يرحمه ..
خالد : وكنت واجد متفوق في الدراسه لين تخرجت من ثانوي ولما دخلت جامعه ما خلصت غير كورس واحد وجاني المرض .. وانا الحين على هذه الحاله .. صار لي سنتين ..
رغد : الله يشفيك ..
خالد : زين انتي صح عندك اخوان ولا خوات ..
رغد : أي عندي اخت وحده وامي منفصله من ابوي صار لهم اربع اسنين ..
خالد : اجل وين اختك ما اشوفه ..
رغد : والله اختي من ربع الانترنت اربع وعشرين ساعه في غرفته مقابله ..
خالد : وانتي ما تدخلين النت ؟؟
رغد : ولا اواطنه ..
خالد : ( يضحك ) ليش؟
رغد : بس ..
خالد : زين شلونك ويا الدراسه ..
رغد : والله كل شي اوكي ما عاده ماده وحده ملعوزتني مكرهتني الدراسه ..
خالد : شنو هي ؟

رغد : مادة الفلسفه ...
خالد : الله يعينك والله .. شنهو رايك اساعدك ..
رغد : بس شلون؟
خالد : انتي بكره عليك هذه الماده ..
رغد : لا
خالد : اجل احذفي علي كتابك .. ولا عليك ..
رغد : لا يا خالد ما ودي اعقدك ويها ..
خالد : لا تعقيد ولا شي ..
رغد : شلون مو تعقيد وهي ام التعقيد كله ..
خالد : انا اصلا كنت ادبي وكنت ماده هذه عندي سهله عطينيه واذا جيتي من الدوام اعطيك كتاب وانا ملخصه لك .. ومخطط عليه بعد ..
رغد : اوكي ابي اعطيك ايها ..
وتحذف كتاب رغد لي خالد ويمسكه خالد ..
رغد : اجل اخليك الحين ابي انام الساعه الحين جات 12 بليل ..
خالد : اوكي تصبحين على خير اجل ونشوفك بكره ..
رغد : اوكي مع السلامه
خالد : مع السلامه ..
وقعد خالد الصبح وجلس يفتح كتاب الفلسفه .. ويقرها فيه ويحول يلخص لكن
شاف اول حرف لي اسم محمد مكتوب في كل صفحه تقريبا .. وبدون شعور مسك القلم ومسح كل حرف لي محمد من الكتاب .. وتم يلخص الكتاب لي ساعه 5 العصر لين انهى المنهج كله .. وبعد التعب مسك خالد الكتاب وضمه على صدره وتمدد على السرير .. وبعد لحظات سمع صوت دريشة رغد تفتح .. ويقوم ويحول انه يمشي بصعوبه الى كرسيه المتحرك ويتجه الى دريشته ويفتحها .. ولقى رغد ماسكه في ايدها ورده حمراء
خالد : ( يطالع رغد ولا قدر يفرق من احلى الورده ولا رغد ) مساء الخير ..
رغد : هلا مساء النور .. شلونك خالد ..
خالد : حمدالله طيب .. وانا توني الحين خلصت من تلخيص المنهج ما عليك الا تحفظين التلخيص .. وادعيلي بعدها ..
رغد : خلني اشوف اجل حذفه علي ..
خالد : ( يحذف كتاب الى رغد ) انتبهي لا تطيحين
رغد : ( تمسكه ) ما عليك تراني احسن وحده في الكويت تسد كتب ولا كتاب قدر يفلت مني ..
خالد : ( يضحك ) اجل مضبوط .. تصلحين حارس مرمه ..
رغد : ( تفتح كتاب ) .. ( تنظر الى كتاب ) والله ما ادري شنهو اقولك ..
خالد : شنهو ليكون ما قدرت تلخص تمام اعذريني صار لي فتره .. والله سويت الي قدرت عليه انا اسف
رغد : لالالا انت فهمتني غلط .. ما شاء الله عليك تلخيصك واجد حلو وهم خطك واضح حيل ..
خالد : ( يحط ايده على قلبه ) أي شوه الحمدالله اني قدرت الخص لك عدل ..
رغد : واحسن شي سويته ..
خالد : شنو ؟
رغد : انك مسحت اسم الزفت محمد ..
خالد : ( يسكت وينزل راسه ويطالع لي اتجه ثاني )
رغد : تعرف شنهو ابي احط بداله ..
خالد : ( يلتفت لها ) شنهو؟؟ رغد : لحظه .. وتكتب بخط عريض اسم خالد على اول صفحه .. وتوره له ..
خالد : شنهو هذا ..
رغد : هذا اسمك .. هو يستاهل ان ينكتب ( وتقول حق روحها والله اول ما كتبته كتبه على قلبي يا بعد قلبي )
خالد : مشكوره ..
رغد : لا عادي كل يوم تعال ..
خالد : ( يضحك لما دمعت عينه )
رغد : الله ضحكتك واجد حلوه ..
خالد : بس مو احلى من صوتك .. انا اول ما سمعته مدري شنهو صار فيني ..
رغد : ( تستحي ) لا شدعوا ..
خالد : أي والله يا رغد ..
رغد : تسلم وخلاص تراني مافيني بعد تراني الحين اصدق عمري
خالد : ( يضحك ) .. بس صدقيني بدون شعور لقيت روحي امسح حرف محمد ..
رغد : ليش مستحته صح ..
خالد : لانه ما يستاهل وحده مثلك ..
رغد : أي والله .. وانا اتحسف على كل لحظه مضيته ويه ..
خالد : خلاص انسيه ولا تذكرينه لانه ما يستاهل حتى تذكرينه ...
رغد : اوكي ..
خالد : أي صح متى عيد الحب ..
رغد : بسرعه.. بكره .. و ليش تسال؟؟
خالد : لاني ما عمري في حياتي ما عيدت فيه ..
رغد : وشنهو ودك تعايد فيه ؟؟
خالد : أي .. ودي ..
رغد : ( وهي تبتسم ) وحق منهو الهديه راح تجيب ..
خالد : حق امي ..
رغد : ( تبدلت ابتسامتها الى خيبت رجى ) اها .. زين تسوي تستاهل امك ..
خالد : وانتي راح تعطين هديتك حق منهو؟؟
رغد : ( بغضب ) طبعا حق امي .. يالله خالد اشوفك على خير ( وتسكر الدريشه ) وتجلس على الارض وهي معصبه .. وتقول شنهو فيها لو ارسل لي هديه ..
وفي ناحيه ثاني يجلس يفكر خالد شنهو يجيب هديه وجت على باله انه يجيب دبدوب وباقة ورد صناعي .. وينزل من الشقه وهو يمشي وحط ايده على جدار العماره وبكل صعوبه يجر خطواته والتعب يبين عليه .. لين وصل محل الهدايه الي كان تحت العماره ولما دخل محل شاف رغد واقفه محتاره شنو تشتري مدت ايدها على دبدوب لونه احمر وبين ايدينها قلب مكتوب فيه ilove you وسرحت يد خالد لها وقال لو سمحتي هذا لي ولما التفت رغد انصدمت و ارتبكة ولا قدرت تقول شي
خالد : وهذه بعد باقة ورد صناعي ابي اخذه
رغد : وكل هذا حق امك ..
خالد : انا اكتشفت انه امي ما تحب هذه سوالف وتقول كل هذه خرابيط وانا على هذا راح اهديه لك انتي
رغد : حست روحها تطير من فرحه .. وحتى انا بعد امي ما تحب عيد الحب وعلى هذا انا راح اهديك هذا القلب الكرستالي ومكتوب اول حرف مناسمي r .. يالله انا ابي اروح واشوفك بكره .. بليل ..
خالد : ان شاء الله ..
وتطلع رغد بعد ما حاسبت على اغراضها .. ويصعد خالد الدرج لانه كان الاصنصير مسكر .. وبعد ما وصل لي لغرفته حس انه ما يقدر يمشي خطوه وحده .. وسقط على باب غرفته وبعد صعوبه قدرت امه تشيله وتحطه على افراشه وهي تعاتبه ليش نزل .. وهو ولا يقدر ياخذ نفس .. قال كان ودي اجيب هديه يا يمه لي شخص عزيز علي .. وتطلع امه والدمعه على خدها حزن على ولدها ..
اليوم الثاني الساعه 10 بليل
خالد : ( يفتح دريشته في نفس لحظه تفتح دريشة رغد )
رغد : خالد وينك العصر ماشفتك ؟؟
خالد : والله يا رغد ما قدرت اقوم من فراشي كله من التعب الي تعبته بسبت الدرج وروحتي لي محل ..
رغد : انا اسفه يا خالد ..
خالد : لا يهمك ما صار الا كل خير .. على فكره واجد عاجبني القلب مشكوره عليه ..
رغد : وهم الدبدوب واجد حلو نومته وياي امس حظنته على صدري .. وباقة ورد حطيته عند راسي علشان كل يوم اجدد يومي فيها
خالد : وحتى قلب الكرستال حطيته يم راسي .. بس صح ما سئلتي روحك ليش شريتي ورود صناعيه مو طبيعيه ؟؟
رغد : مو مهم صناعي ولا طبيعي المهم منك ..
خالد : لا مهم .. لانه طبيعي يذبل بسرعه اما صناعي يدوم ولو جاء يوم وذبل الي في قلبي لك ما يذبل وحبي لك ما عمره يذبل
رغد : ( تسكت وتبتسم ) توك قدرت تقوله وانا هم احبك يا خالد .. وكل عام وانت بخير يا حبيب عمري ..
خالد : وانتي بخير يا عمري ..
كانت هذه ليله اسعد ليله لي خالد وحس انه الدنيا صدق حلوه وصار يتغنى ويه رغد في ( ابتسم واضحك تره الدنيا حلوه ) وتموا يقلونها لي بعض لين الفجر لين ما حرم بعضهم سلطان النوم ..
اليوم التالي المغرب ..
رغد : ( بصوت خفيف ) تنادي خالد .. خالد خالد خالد ..
خالد : يفتح الدريشه . هلا رغد اعذريني كنت بره الغرفه ..
رغد : هلا بعمري شنهو رايك فيني وانا متزينه ولبسه احلى ملابسي ..
خالد : رووعه والله .. ما شاء الله عليك ..
رغد : مشكوره بس انا لبسه لاني ابي اروح لي عرس بنت خالي .. وقلت اول واحد راح يشوفني هوخالد وترخص منه اني اروح .. والحين بعد اذنك ممكن اروح
خالد : طبعا لا خلك وياي ..
رغد : خلاص اجل ابي اغسل وجهي واسكر الباب واقعد وياك لين الفجر
خالد : تعالي وين رايحه اضحك وياك ..
رغد : خالد والله لو بغيت اني اقعد اقعد .. هو بيني وبينك القعده وياك تسوى الدنيا ومافيها ..
خالد : بس هذه بنت خالك ..
رغد : ويعني .. انت لا تعتبر انه في احد في الدنيا احبه اكثر منك .. والله الي خلقني وخلقك اني احبك انت اكثر شخص عندي في دنيا رغد لو حطوا ميزان وزنوا حب ناس كله بعضهم ووزنوا حبي لك انت لي صار حبي هو اثقل .. انت ما تعرف شكثر احبك .. شنهو اسوي علشان اثبت اني احبك
خالد : انك تروحين عرس بنت خالتك .. وتديرين بالك من عمرك وتقرين المعوذات قبل لا تدخلين العرس .. تره عيون الناس ما ترحم يا حياتي
رغد : ان شاء الله .. وحاضره .. وما طلبت شي .. ويالله مع السلامه .. واشوفك بليل
خالد : ان شاء الله بس لا تطولين علي انا راح اتم انتظرك .. ولا راح ارتاح لين اشوفك ..
رغد : وانا ما راح اطول الساعه 10 ان شاء الله اكون موجوده ..
خالد : ان شاء الله
وتروح رغد ويتم خالد ينتظرها عند الدريشه .. ولما جات ساعه 10 قالت رغد حق امها انها راح ترجع مع السايق .. لكن امها رفضت لانه خايفه ترجع رغد مع السايق بروحها في لليل .. لكن رغد اصرت وراحت بدون لا تدري امها ورجعت مع السايق .. وكان خالد ينتظرها عند الدريشه كان يروح ويرجع في كرسيه وكانت رغد لحظتها تركض على الدرج لين توصل الى الشقه .. لكن كان خالد مل من كثر ما نتظر وقال حق روحه اكيد ما راح تجي وقام بصعوبه من كرسيه علشان يطفي نور الغرفه .. ولا رغد تدخل غرفتها بسرعه وتركض الى دريشتها وتفتحها .. وتشوف خالد يبي يسكر النور ..
رغد : خالد انا رجعت ..
خالد : التفت بسرعه وما قدر يوزن روحه ويطيح على ارض ..
رغد : خالد خالد!!!
خالد : ( بصعوبه يقترب من الكرسي المتحرك وهو يزحف لين ما ارتكز على حافت السرير وجلس على الكرسي ) سوري بس انتي فاجئتيني
رغد : ( وهي حاطه ايدها على قلبها .. الله ياخذك قطعت قلبي .. لحظه خلني اقعد والله احس روحي طلعت ورجولي ما تشيلني ..
خالد : لا سلامة قلبك يا بعد قلبي انتي ..
رغد : وانا ناقصه تخرع بروحي انا متخرعه ؟
خالد : عسى ما شر حياتي شنهو فيك..
رغد : يا عمري انا طلعت من العرس وامي ما تدري علشان هي كانت رافضه رجعتي بروحي مع السايق ..
خالد : زين ليش ما سمعتي كلام امك !!!
رغد : ( وهي مبتسمه ومستحيه ) اول شي انا وعدتك اني اجي الساعه 10 ولا اقدر اخالف وعدي ..
خالد : لا والله .. قولي صح
رغد : صح صح ..
خالد : أي صح صح ..

خالد : أي صح صح ..
رغد : لاني كنت مشتاقه لك موت والله ولهانه عليك ولا قدرت حسيت روحي انه الدقيقه مثل الساعه والساعه مثل السنه عنك يا حياتي .. ما ادري شنهو سويت فيني خليتني احبك حب .. خالد ..
خالد : هلا
رغد : لو في كلمه اكبر من احبك كان قلتها لك بس يا حسافه ما فيه ... خالد !!
ترض في كلمة احبك من كل قلبي ويا ليت تبين كثر حبي لك ..
خالد : ( ساكت )
رغد : خالد .. شفيك ساكت
خالد : رغد والله احبـــــــــــــك
رغد : يا بعد عمر رغد والله .. فديت عمرك والله ..
خالد : وعمرك يا حياتي .. لحظه ابي اوريك شي .. (ويروح لي زاوية الغرفه ويجيب في ايده قفص ذهبي اللون وفيه عصفورين من عصافير الحب واحد لونه احمر والثاني لونه اخضر ) حياتي شوفي
رغد : الله روعه شحلاتهم ..
خالد : هذه امي جابته لي اليوم بعد ما طلعتي على طول ..
رغد : واجد حلوين يا حياتي ..
خالد : ولا وسميتهم بعد .. الي لونه احمر هي انتي رغد والي لونه اخضر انا خالد ..
رغد : عمري انت والله ..وان شاء الله والي جمع هذا عصفورين في قفص ذهبي .. يجمعنا في قفص حياتنا .. وتكون لي حقي بروحي واكون لك انت .. بس متى يارب ..
خالد : حياتي عن قريب ان شاء الله وان شاء الله بعد ما ارجع من السفر ..
رغد : ( تقاطعه ) أي سفر ومتى راح تسافر ..
خالد : هذه السفره لي لندن راح اتعالج هناك .. وصفوني دكتور هناك متخصص مثل هذه الامراض النادره .. وراح اسافر بعد اسبوع ..
رغد : ( تسكت وتنزل الدمعه من عينها ) راح اشتاق لك واجد ..
خالد : لا تبكين يا حياتي .. راح ارجع لك ان شاء الله
رغد : ان شاء الله ..
وتمشي ايام ثقال على رغد وهي تتحسف على كل لحظه تبتعد عنها عن خالد لي درجه انها ما تنام غير ساعات قليله .. وكانت طول اليوم بقرب من خالد تكلمه .. وهو يواسيها ويوعدها انه راح يرجع لها ..
ليــــــــــــــلة السفر ....
رغد : ( وهي تبكي ) راح تسافر يا خالد ...
خالد : والله يعز علي نفسي اني اخليك وراح اشتاق لك واجد .. بس شنهو اسوي ..
رغد : بس راح اشتاق لك واجد وما ادري شنهو راح يصبرني على افراقك ..
خالد : شوفي اذا اشتقي لي اقري من الكتب الي عطيتك ايها .. وراح تهون عليك ..
رغد : والله ما يهون علي احد غير شوفتك ..
خالد : يا بعد عمري لا تخافين ما راح اطول .. بس حياتي عندي طلب .. من زمان كان ودي اقولها لك بس مستحي ..
رغد : يا عمري والله .. عيوني لك والله امرني !!
خالد : ابيك تغني لي !!
رغد : يا عمري بس هذا .. شنهو تبين اغني لك ..
خالد : أي شي تبينه ..
رغد : يا عمري .. راح اغني لك اغنيه حقت نوال .. غالي غالي ..
(وتغني )
غالي غالي لو يبعد مها يطول الصد ... شوفت خالد ساعات عقب البطى تسعد
رغد : خالد والله انك غالي .. علي وراح اشتاق لك واجد .. اعذرني ما اقدر اكمل .. ( وتبكي )
خالد ( يغني ويحول ان دمعته ما تنزل )
غاليه غاليه لو تبعد مها يطول الصد :: شوفة رغد ساعات عقب البطى تسعد ..
رغد : ياعمري والله .. ( ويغنونها لي ساعات طويله لين ما انتصف الليل .. ) ورتاحت رغد شويه .. من ( الحزن )
خالد : حياتي انا اسف بس لازم انام انا الحين ,,
رغد : خلاص نام الحين وانا الصبح اقومك بس خل دريشتك فاتحه ..
خالد : خلاص عمري لو قدرتي الساعه 8 الصبح قوميني علشان اقعد وياك شويه وبعدين اسافر الساعه 10 الصبح لازم اكون في المطار ..
رغد : يعني تقعد وياي بس ساعتين ..
خالد : خلاص الساعه ست قوميني ..
رغد : يا عمري خلاص راح اتم سهرانه لين الساعه 6 الصبح ..
خالد : لا عمري لا لازم تنامين ..
رغد : لا حياتي .. ابي اقعد اقره كتابك الي كاتبه .. واقعد اتخيل روحي انا بطلة القصه .. وحول في عقلي اني اعدل في نهايه وتكون سعيده ..
خالد :.. يالله تصبحين على خير ..
رغد : وانت من اهل الخير ..
وتجلس رغد تحت الدريشه وتمسك الكتاب وتقره فيه .. لين ما نامت وهي جالسه وتقوم الساعه 9.30 على صوت العصافير الي في قفص خالد وهي مفزوعه .. وتوقف على الدريشه .. ويطيح عينها على قفص عصافير وعصفور اخضر ميت وعصفوره الحمره تغرد في صوت عالي وحزين .. وتسقد بقرب من عصفور الخضر .. وتصيح رغد على خالد الي متمدد على الفراش ..
رغد : خالد خالد ..
خالد يا حياتي رد علي .. خالد شفيك خالد يا عمري .. رد روحي وتكلم .. يا خالد .. خالد وينك .. خالد حياتي امانه رد علي .. خالد .. خالد .. ليش ساكت ما ترد علي .. شفيك .. خالد خالد خالد خالد .. وتدخل ام خالد على صوت صراخ رغد وتحرك خالد من فراشه ولا يتحرك تحول تكلمه ما يرد عليها .. لانه قبل ساعات قليله قد طلعت روحه الطيبه من جسمه .. قبل لايسافر ويتعالج .. وتصارخ رغد وبغير شعور تسقط رغد من دريشته من الدور ثالث الى ارض العماره .. وتركض امها على صوت صراخ الى ارض عماره وتحول تشيلها وتسعفها الى اقرب مستشفى ..
في غرفة العناية المركزه ..
دكتور : ام رغد .. الحمدالله بنتك تعدت مرحلة الخطر .. والرضوض الي فيها ممكن تتعالج وتروح مع الايام .. بس
ام رغد : بس شنو يا دكتور ..
دكتور : بس رغد ما تقدر تمشي بعد مره هذه .. انا اسف حولنا على قدر ما نقدر بس ما في امل تمشي على رجولها مره ثانيه ..
وتجلس تبكي ام رغد على حض بنتها الي تدمرت حياتها وهي في عمر الزهور ..
وبعد عدة اسابيع ترد رغد لي شقه وفي نفس اللحظه تسكر ام خالد دريشة المرحوم خالد وتعزل من الشقه .. وتدخل رغد غرفتها وتقول حق اختها و امها ان يخلونها بروحها .. وتحرك رغد كرسيها المتحرك الى دريشتها وتفتحها .. وملامح الحزن باينه عليها .. وتجلس تنظر الى دريشة خالد .. وتمسك في يدها كتابه ويدها ثانيه على خدها وتنظر الى النافذه .. تنظر الى يجي اليوم الي يفتح فيه اسير النافذه نافذتها !!!!!
النــهـايـه

منقووووول