امي ثم امي ثم امي

اسألوا دمي .. وسعادتي وهمي

اسألوا التوفيق ..

والكدر والضيق

اسألوا الطيب في صفاتي ..

والدعاء اللي في صلاتي

واسألوا شهودي ..

الدموع اللي في سجودي

اسألوهم .. واسألوا دمي ..

عن غلا أمي

قصيدتي زاد بعيوني جمالــــــــها ** واخذت انقي بالمعاني جزالــــــها
واكتب معانيها من الشـوق والغلا ** لامي وانا اصغر شاعر من عيالـها

كتبتها في غربتي يوم رحـــــلتي ** لما طرالي في السفر ماطرالهــــا
امي وانا بوصف لها زود حبــــــها ** وان ماحكيت لها قصديي حكى لها

أمي لها بالجوف والقــــــلب منزلة ** مكــــانة ماكل محبوب نالهــــــــا
اقرب من ظلالي وانا وسط غربتي ** وانا تراي اقرب لها من ظلالــــها

ماشافت عيوني من الـناس غيرها ** ولا خلق رب الخلايق مثالــــــــــها
أغلى بشر في جملة النــاس كلهم ** وأكرم من ايدين المزون وهمالها

اتبع رضــــاها وارتجي زود قربها ** واللي طلبته من حياتي وصالـــها
الصدق مرساها والأشواق بحرها ** والعطف واحساس الغلا راس مالها

أهيم فيها وابتــــــــسم يوم قلبها ** يسأل وأنا قلبي يجاوب سؤالها
وان طلبتني شي فزيت منـــدفع ** أموت أنا وأحمل تعبها بدالـــها

اصبر على الدنيا والاحزان والتعب ** واحمل على متني فطاحل جبالها
أسهر وأعذب راحة القلب بالـشقا ** وأعيش أعاني بس يرتاح بالــــها

تربية ابوي اللي على الطيب اذكره ** اللي وهبني للحـــــياة ومجالها
نورلي دروبي وانا طـــــفل مبتدي ** حتى تركني واحد من رجالــــها

الوالدين اولى بالاحسان لاجلهم ** واولى بتكريم النفوس وعدالـها
اقولها وانا على الله متـــــــــــكل ** والله عليم بقديري واحتمــــالها

ياكلمة اغلى من الــــــناس كلهم ** ياشمس بقلبي بعيد زوالهـــــا
يافرحة تملي لي الكــون باكمله ** ياشجرة تكبر ويكبر ظلالهـــــــا

تضحك لي الدنـيا لي شفت زولها ** مثل السما تزهي بطلة هلالــــها
والبعد عنها ياهل الــــعرف مقدره ** لاشك ناري زايدة باشتعالــــها

ما أعيش ببلاد ولاهي بأرضــــها ** ولا أبي عيوني كان ماهي قبالها

أرض تدوس أمي بالأقدام رملها ** أموت فيها واندفن في رمالهـــا

أمي ماهي أم كنز حنيه .. .. حنان هالكون كله منوخذ منها
محبة الام ليه تصير مخفيه .. .. محبة الام مدري ليه ندفنها

امي مهمه واهم من الاهميه .. .. ابفتخر في محبتها وابينها
كلي لها بجد من راسي لرجليه .. .. اعز من عزها واهين هاينها

لا قالت الآه كن شخص طعن فيه .. .. اجي من اقصاي فازع لاجل اطمنها
عذوربها بس طيبتها خياليه .. .. يازين عذروبها اللي مايشينها

قليل في حقها اللي قلت واشويه .. .. اكبر بواجد من اللي قلت انا عنها
دايم تردد : عسى الله يحفظك ليه .. .. تمشي وتدعي ياعساني ماخلا منها

قالت : أمـــــك ؟؟؟ فقلت :

واللــه لو تزعــل جموع الملايين .. .. حتـى ولو كـل البشـر عاتبـوني
حتـى ولو فيـهم وليف المـزايين .. .. ما رد في امـري ولــو خاصموني

حتى ولو ثارت جيوش وبراكيـن .. .. الـروم ويا الفـرس لو حاربوني
ما ينحـني راسي ولا ترمـش العين .. .. أصمد ولو في حبها عذبوني

لو يقسـموا جسـمي من الراس نصفين .. .. من هامتي ليما تباعد عيوني
وينشـق صـدري ويصبح القلب قلبــين .. .. يا بنت أنا في حـب (أمــي ) جـنوني

مـن لامــني في حبها ياـك الطين .. .. في حبهـا واللـه ما يحـرموني
يا بنت أنا والله لو اخسـر البيــن .. .. أنتي وكل الـناس ما يمنعـوني

لو يجوز اسجد توطيت وخضعت .. .. جنة الرحمن تحت اقدامها
لو كنوز الارض عندي مااقتنعت .. .. ودي افديه وازيد اكرامها

من شروق الشمس صليت وركعت .. .. اترجى ربي يزيد ايامها
هاجسي دايم اذا رحت ورجعت .. .. كيف اعوض حبها واحلامها

في بهاها مانظرت ولا سمعت .. .. نور شمس ماتغيب اعلامها
لو وصفت النور منها ماستطعت .. .. خلقة الله لبسته احرامها

لو كتبت ولو رسمت ولو جمعت .. .. مانطق حرفي بدون اقلامها

امي نظر عيني دوا كل علـه .. .. من كفها الطاهر شربة الزلالي
وجها سموح وبسمته ماتمله .. .. شلال حبا ماترده الجــــــبالي

طيبه على طيبه وهي الطيب كله .. .. اصل وفصل والشان في الناس عالي
وفي الجد, سيف الحق دايم تسله .. .. ماهمه من كان لو كان خــــالي

يمه تحت امرك, من جـناحك يظله .. .. شخص رخص دنياه لعــيون غالي
وياسعد منهو كان حضنك محـلة .. .. يدفى ولو هبت هبوب الشـــمالي

ولا ياعرب ماقلت شعر اتـــــسله .. .. حبيت ابين للـــــــــملا راس مالي

خذي من ايام العمر كل ليلة .. .. ماهوب يوم عيد والباقي ايام
يامن خدمتيني لياي طويلة .. .. تسهر عيونك ليل والناس نيام
امي معك الايام حلوة جميلة .. .. تمر عجلى كنها طيف واحلام

اذا تاهت مداراتي لقيت بقلبها مرسى
واذا قل الوفا حولي عطتني الحب بلا منة

توصيني على روحي أدير البال وماأنسى
كأني فعينها طفل أبد مايكبر في سنة

ابا اسكن قلبها اللي ماعرف لو مرة بس يقسى
وأبا الثم تربة صارت تحت اقدامها جنة

أوسع من الكون قلبك .. .. يلي سهرتي الليالي
حب الله من يحبك .. .. يا من لها اسم غالي
أقرب من الروح قربك .. .. يا الأم وبلا جدالي

r=blue]]مملكة الهدوء

امي وابوي عندي هم في الدنيا وبس

وما احب ان ازعلهم او اغضبهم

من اي شي اعملة

وبفهمك كفاية

على العموم

مشكورة على موضوع

يعطيك الف عافية[/center]