يبه اشلونك

يبـه شلـونك
يبه شلونك...ملل هالــكــون من دونك ..
يبه شلونك ؟؟وتمضي رحلة الدنيا..
بليا طلة عيونك..؟؟!!
يبه شلونك ؟
يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ..
تبي تدري عن أحبابك ؟؟عن عيون تغنا بك ؟؟عن قلوب دفنها الشوق..وإذا جاها الغفا جابك ؟؟
.. يبه أمي تخيلك دوم...تغني لك مع القمرا..
يبه واللي خذاك بيوم....خذا بنيتك بكرا..
خذا.. ويا ما خذ ا.. ويا ما..خذا ناس يحبونك
يبه حنا صرنا كبار..توفقنا وتخرجنا..
يبه ما عاد فيه صغار..يموج بها لزمن كل شي..
وحنا ما تموجنا..على ذاك العهد نسري..
نبيع العمر والدنيا..ولا تخلف بنا ظنونك
يبه شلونك ؟؟تبي تدري عن أخباري ؟؟
عن أفكاري وتذكاري ؟
أشيلك داخلي جمره ..وبعيون الحزن عبره..تغرقني .. وتحرقني..
أشوفك نجمة تجبر..مراعيها .. يراعيها..
وأشوفك للرجولة اسم..إذا شد الزمن تقسي..واحلم من معاني الحلم..أحسك مقبل بكرى..وعيا لإيجي بكرى !!
يبه تذكر زمان مر؟؟
يبه تذكر مجالسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟
يبه تذكر سوالفنا ؟
لأجل هذا ..
وكل هذا ..
أقول اليوم يايبــه ..
ملــــــــــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
أشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و أنا عندي أمل للحين ..
و لكني أعرفك وين !!
يبه وينك ؟؟
عسى الداعي يبه بس خير ؟!!
عساك بخير .... مداين تكرم لعينك ...
بس أرجوك علمني ...
علمني .. يبه وينك ؟؟
سألت أمي عن رجوعك ... ولا كني أعرفك وين !!
و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش أحلى من طلوع اثنين ؟؟
طلوع الشمس .... و طلوعك
يبه وينك ؟؟
سألت أمي ...... غيابك طال ؟؟
ولا كنّي أعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. أنا عندي أمل للحين !!
سؤالي عنك يا لوالد .. صار كما الموال
و أشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان أقوى قلب ... ضعف .. من قسوة ظروفه ..
يبه ..
أرجوك علمني ...
تشوف اللي أنا أشوفه ؟؟
أنا أشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و أنا أشوفك نهار و ليل .. مع أني ادري ما ترجع !!
غريبة .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. أرد و اسأل !!
يبه .... وينك ؟؟
و لا كني أعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب أحبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. أنا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح ألغيبه ما
تـلتم ..
بس عندي أمل للحين !! ... و لا كنّي أعرفك وين !!
..
يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ ها لناس .. كل ٍ كان في بيتك ضيف ..
إلا يا حيف .... إلا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر ها لليل .. في عيني ضيف .. إلا يا حيف !!
يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..
يبه وينك ؟؟
تعال و شوف .. صحيح الدنيا ما ترحم ..
تجرعنا التعب أنواع ... و لكن الأمل ما ضاع ..
و أنا عندي أمل للحين !! ... و لا كني أعرفك وين !!
يبه تذكر
أنا و أخواني و أخواتي ... معانا عيال حارتنا ..
نلعب في زوايا البيت .. يبه ... والله أنا حنيت ..
لذاك الوقت في وجودك ... إلا يا ريت ... إلا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!
يبه أمي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. أو بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينة الشمس في غيابك .. و نفس الحزن في أحبابك .. وأخاف الشمس من حزني ..
تغيب و ما بعد تطلع !! .. يبه ارجع !! ... إذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..
..
و قلنا يوم !!
يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم أوفي له.. بعد ما ضاعت ألحيله .. أشوفك والوعد باكر !!
إذا فكّر يجي باكر ..!! .. و برجع أسألك وينك !!
بس لازم تجاوبني .. ترى عندي أمل للحين !! .. و لا كني أعرفك وين ..!!
يبه شلونك ؟
ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لأجل هذا ... وكل هذا ... أقول اليوم يابـيـي
ملل هالكون من دونك

حاتم الانبــاري

لكلماتك عبارات مدمعه ..

وبكلماتك أهات حزينه..

لامست القلب والعقل والوجدان

ارجعتني الى لحظات لم تكن ف البال..

تغنت باسمى مخلوق عشنى معه..

الاب .. الذي طالما نمنا بين احضانه

مشينا معه .. ضحكنا معه.. وبكينا معه

الى اغلى مخلوق فراقه كان الاصعب بحياتي

فرحمك الله يا ابي ..

وسلم لنا ما كتبته من سطور تروي معنى الاب..

فمهما كتبت اعجز عن وصفه .. ومهما قلت لن اوفيه حقه

فكلماتك سيدي رائعه بروعة معناها الجميل

سلمت لنا ..

بجداره اصفق لك على ما كتبته يداك

دمت بحب واحترام

•°• لماذا بعد الفراق•°•

نمارس كل أنواع الموت..
فنموت اختناقاً..
ونموت رعباً..
ونموت حزناً..
ونموت غربة..
ونزور كل مدن النهايات ؟؟!


•°• لماذا بعد الفراق•°•


يتوقف الوقت..
وتتوقف استمرارية الأشياء..
ويتوقف ضجيج الحلم..
ويتوقف تدفق الفرح..
ويتوقف نمو الأمل..
ويتقطع حبل انتظار القادم الافضل؟ !


•°• لماذا بعد الفراق•°•

نعيد قراءة أنفسنا..
ونعيد طلاء أحلامنا..
ونقرر البدء من جديد..
وننادي الفرح بأعلى أصواتنا..
وتفشل كل محاولاتنا لأستدراك الفرح إلينا !؟؟



•°• لماذا بعد الفراق•°•



نشعر بالانكسار..
ونشعر بالتشتت..
والتبعثر..
والإرهاق..
ونشعر بالهزيمة..
كأن حرباً مريرة مع الواقع قد انتهت !؟؟



•°•وقبل أن يرعبنا المساءْ•°•
وقبل أن يرعبنا المساء..
أدركت أن ..
كل الأحلام بعد الفراق .. لا تجدي !
وكل الآلام بعد الفراق .. لا تجدي !
وكل الدموع بعد الفراق .. لا تجدي !
وكل البدايات بعد الفراق .. لا تجدي !



•°•وبعد أن أرعبنا المساءْ•°•

قد تكون مرحلة ما بعد الفراق..
بداية لمرحلة موت بطيء !!


من نحلم به..تاكدت بانهاا مواقف مررنا بها وقد يمر بها الااخروون



•°•  حاتم الانباري •°•

ملحمة الفراق لابد منها

تح ياتي

م ملكة الهدووء

الله يرحم ابوي وكل اموات المسلمين

حاتم الانباري

مشكوور على المشاركه المميزه عن الاب

الاخوة الاعزاء
مجموعة انسان
عدي صالح
مملكة الهدوء
احساس الءلم
اذا كان موضوعي عن الاب جميل فهذا ينبع من جمال مروركم
وحسن ذوقكم وشعوركم الطيب اتجاه ابائكم ومدى حبكم لهم والاسى
على فراق والده لمن فقد والده منكم ... كم اسعدتني تعليقاتكم التي تضاهي
موضوعي بجمالها ورقتها دامت الاخوة والمحبة بيننا ويسعدني ان اكون
زميلا لكم وافتخر بصداقتكم

pretty flower
نورتيني بتعليقك الله يرحم ابوك وكل اب فقده ابناءه
اكيد كلمات يستحقها الادب ويستحق اكثر ولانوفي
الدين الذي في رقابنا اتجاهه .
الله يسلممممممممممممممممممممممممممك